சுற்றுலா: ஐரோப்பாவில் பன்னிரண்டு நாட்கள்

லண்டன், பாரிஸ், லுசர்ன் (சுவிட்சர்லாந்து), பிசா/ரோம்/வெனிஸ், இன்ச்ப்ரூக் (ஆஸ்திரியா), முனீச்/பிரான்க்புர்ட்

போய் வந்தேன்.

விமானத்தில் போய் லண்டனில் இறங்கிய பிறகு, அதற்குப் பின் கப்பல் (இங்க்லீஷ் கால்வாயைக் கடக்க மட்டும்) மற்றும் பேருந்து (பிரான்க்பார்ட் வரை).

உலகத்தின் " மிக நல்ல பகுதியை" மிக அனுகூலமான வானிலையுடன் (செப்டம்பர் பத்து=இருபத்து இரண்டு ) காண முடிந்தது.

நமக்கு பல விஷயங்கள் தோன்றினாலும், மிகவும் நினைக்க வைப்பது : மனித நடமாட்டம் மிக குறைவு: சுத்தம்; பசுமை; சாலை மற்றும் கட்டுமானம்; ஒழுக்கம் (சாலையை கடப்பதிலிருந்து பொது இடங்களில் நடந்து கொள்ளும் ஒவ்வொரு முறையும்), பேச்சு மிகக் குறைவு: தனக்கு மிகவும் நெருங்கியவர்களுடன் மட்டும் உரையாடல்.

பல இடங்களில் இன்னும் ஒரு முறையாவது மீண்டும் இங்கு வர வேண்டும், வரும் போது அதிக நாட்கள் இங்கு கழிக்க வேண்டும் என்று மீண்டும் மீண்டும் எண்ணியது உண்மை.

அவர்கள் கிராமங்கள் (பெருஞ்சாலையிலிருந்து கண்ட போது) மிக அழகாகவும் மிக செழிப்பாகவும் இருப்பதைக் காண முடிகிறது. வெளிநாடு செல்லும் அரசியல் தலைவர்கள், பெரிய நிலை அரசு அதிகாரிகள் கிராமங்கள் உள்ளே சென்று " எவ்வாறு அவர்களால் உருவாக்க, பராமரிக்க முடிகிறது? நாம் இந்தியாவில் என்னென்ன செய்ய முயலலாம்" என்று நினைப்பார்களா என்று நான் மீண்டும் நினைத்தேன். நாம் எதாவது மாற்றம் துவங்க முடியுமா என்றும் ஆற்றாமையுடன் எண்ணம் மேலோங்கியது.

விசில் ஊதும் புகார்

விசில் ஊதும் புகார்

நம்மில் பலருக்கு ஊழல் குறித்து விவரம் தெரிய வரும்; ஆனால், அரசின் மேல் அதிகாரிகளுக்கு தெரிவித்தால் அல்லது ஊழல் கண்காணிப்பு ஆணையத்திற்கு, புகார் செய்தால் மாட்டிக் கொள்வோம் தம்மை தொல்லைக்கு ஆளாக்குவார்கள் என்று அஞ்சி, புகார் கொடுப்பதில்லை. தன் கண் முன்னே அநியாயம் நடந்தும் நாம் ஒன்றும் செய்ய முடியாமல் போனோமே என்று இறக்கும் வரை மனதுக்குள் வைத்து புழுங்கிக் கொண்டிருப்போம்..

இது போன்ற சமயங்களில், புகார் செய்பவரின் பெயர் விவரங்கள் வெளியே வராது, ரகசியமாகக் காக்கப்படும் என்று உறுதி அளித்து ஏற்கப்படும் புகார்கள் விசில் ஊதும் புகார் என்பதாகும்.( WHISTLE BLOWER COMPLAINT). (PUBLIC INTEREST DISCLOSURES AND PROTECTION OF INFORMER - PIDPI)

ஓர் ஊழலின் சிறிய பகுதி நம் முன்னே நிறைவேறி இருக்கலாம். உதாரணமாக, ஒரு புறம்போக்கு நிலத்தை பூங்கா அமைப்போம் என்று ஒரு தொண்டு நிறுவனம் கேட்கலாம்; அதற்கு தேவையான ஆவணங்களில் ஒன்று/இரண்டு குறையலாம்; ஆனால், அனுமதிக்கும் அதிகாரி, முழு விவரம் தெரியாமலோ, அல்லது சுட்டிக் காட்ட வேண்டிய அலுவலர் தம் பணியை செய்யாததாலோ , பெரிய இடத்து அழுத்தம் காரணமாகவோ, அல்லது வேறு விதங்களில் வாய் அடைக்கப் பட்டோ இருக்கலாம். இதில் நம் பங்கு ஒன்றும் இருக்காது; நாம் இதை தடுக்க நம் கையில் அதிகாரம் இல்லையே, புகார் எவ்வாறு செய்வது என்று எண்ணுபவர்களுக்கு விசில் ஊதும் புகார் சரியான வழி.

பூங்காவுக்காக பெற்றுக்கொண்டு, ஏதாவது ஒரு காரணத்தை சொல்லி, அதில் ஒரு பகுதியில் குடியிருப்புக்கள் கட்ட அனுமதி கேட்கலாம்; வருமான வரி கட்டிய சான்று/விலக்கு சான்று, நில உச்ச வரம்பு ஆவணம், பல அடுக்கு மாடி கட்டும் போது விமான தளம் சார்ந்த உயர விதி முறைகள், டாஸ்மாக் உரிமம் வழங்கும் போது அருகில்மசூதி உள்ள தூரம், திரை அரங்குகளில் கழிப்பறை அமைப்பு விதிகள், பேருந்துக்கு உரிமம் (சங்கரின் இந்தியன் திரைப் படம் நினைவுக்கு வரலாம்) என்று பல நிகழ்வுகள் நம் கண் முன்னே நடக்கலாம். ,

இது போன்ற சமயங்களில், விசில் ஊதும் புகார் அனுப்புங்கள். தகவல் கொடுத்தது யார் என்று தெரியவரும் அச்சம் இல்லாமல் விசில் ஊதும் புகார் தரவும்.

P I D P I புகார் எப்படி அனுப்புவது?
# தெரிந்த விவரங்களை வரிசைப்படுத்தி வெள்ளைத்தாளில் எழுதவும்
# சுற்றி வளைத்து சொல்லாமல் நேரடியாகச் சொல்லவும்
# விவரங்கள் - தெரு, சர்வே எண், தேதி/மாதம் முதலிய விவரங்கள் தெரிந்தவரை சரியாக கொடுக்கவும்.
# இந்த கடித்தத்துடன், ஒரு வெள்ளைக் காகிதத்தில், உங்கள் பெயர் , முகவரி, தொலை பேசி எண் தரவும்.
# மேல் விவரம் எதாவது தேவை என்றாலோ, இது அநாமதேயக் கடிதம் இல்லை என்று உறுதி செய்து கொள்வதற்காகவோ தொடர்பு கொள்ள இந்த விவரம் அவசியம்.

# இதை உறைக்குள் வைத்து, மூடி, உரையின் மேல் WHISTLE BLOWER COMPLAINT (OR) P I D P I COMPLAINT என்று எழுதவும்

# இந்த உறையை இன்னொரு உறைக்குள் வைத்து, உறையின் மேல், Whistle Blower Complaint என்று எழுதி,

Central Vigilance Commission
A-Block
CGO Complex
I N A
New Delhi 110 023

என்ற முகவரிக்கு அனுப்பவும்.

இது போன்ற புகார்கள், மைய அரசு, மாநில அரசு அலுவலகங்களைப் பற்றியும் அரசு நிறுவனகள், அரசுடைமை வங்கிகள் குறித்து இருக்கலாம்.

ஒரு புகார் அனுப்பிய பிறகு, அது குறித்து எந்த கடிதத்திலும் இது குறித்து சுட்டக்கூடாது. Reminder அனுப்பக் கூடாது. இவ்வாறு செய்தால், விவரம் ரகசியமாக காப்பது கடினம் என்பதால் இந்த வரைமுறைகள். அரசு இயந்திரம் செயல் பாடு முறைகள் காரணமாக கால தாமதம் ஆகலாம்; ஆனால் நிச்சயம் நடவடிக்கை எடுக்கப்படும்.

தகவல் அறியும் உரிமை சட்டம் உள்ள அளவுக்கு இந்த விசில் ஊதும் புகார் குறித்து பொது மக்களுக்கு தெரிய வர வில்லை என்பதால் இந்த பதிவு.

தாய் - சேய் நலம் : தமிழகம் முன்னணியில்

நாடுகளின், மாநிலங்களின் வளர்ச்சியை மதிப்பிட சில குறியீடுகளை ஒப்பிடுவது நாம் அறிந்ததே.

அவற்றில் ஒன்று (Maternal Mortality Rate) பிரசவகால தாய் - சேய் நல குறியீடு.
(ஒரு லட்சம் பிரசவங்களில் தாய் இறப்பு )

(சிறிய மாநிலங்கள் தவிர்க்கப்பட்டுள்ளன)

கேரளம் : 95

தமிழ் நாடு : 111

மகாராஷ்டிரம்: 130

மேற்கு வங்காளம் : 141

ஆந்திர பிரதேஷ் : 154
குஜராத் : 160

கர்நாடகா : 213

ஒரிஸ்ஸா : 303
மத்திய பிரதேஷ்: : 335

ராஜஸ்தான் :388

உத்தர பிரதேஷ்: 440

அஸ்ஸாம் : 490

இந்தியா : 254

சுகப் பிரசவங்கள் சராசரி: (சதவீதம்)

கேரளம்: 99.4

புதுச்சேரி : 99.2

தமிழ்நாடு : 95.5

கர்நாடகா 71.6

மகாராஷ்டிரம் : 69.2

குஜராத் : 61.6

ராஜஸ்தான்: 52.6

மேற்கு வங்கம் : 51.6

பீகார் : 31.7

உத்தர் பிரதேஷம்: 30.0

சட்டிஸ்கார் : 29.6

இந்தியா : 52.7

(source: Indian States Development Scorecard of Indicus Analytics, that focuses on the progress in India and the states across various socio-economic parameters,
reproduced from BUSINESS STANDARD, 13 January 2011):

தமிழகத்தின் நிலை இது போன்ற குறியீடுகளில் முன்னிலையில் இருந்தால் பூரிக்கும் தமிழர்களில் நானும் ஒருவன். ஆகவே இந்த பதிவு.

முடிக்கும் முன், பிற நாடுகளின் நடுவில் இந்தியாவின் நிலையையும் தெரிந்துகொள்வோமே.

COUNTRY			MMR 1990		MMR 2008		GLOBAL RANK
							out of 181 countries
Sri Lanka			52		30		60
China			87		40		74
India			523		254		126
Bhutan			1145		255		128
Bangladesh			724		338		138
Pakistan			541		376		142

சைனாவிட மட்டுமல்ல, இலங்கையைக் காட்டிலும் கீழே இருக்கிறோம்.

யாதும் ஊரே யாவரும் கேளிர் : கணியன் பூங்குன்றனார்

மூதுரை

மூதுரை

நெல்லுக்கு இறைத்த நீர் வாய்க்கால் வழியோடி
புல்லுக்கும் ஆங்கே பொசியுமாம் - தொல்லுலகில்
நல்லார் ஒருவர் உளரேல் அவர் பொருட்டு
எல்லார்க்கும் பெய்யும் மழை

என்று கேட்டிருக்கலாம்.

போபோர்ஸ் துப்பாக்கி வாங்கியதில் பாதுகாப்பு துறை நூறு கோடி கமிஷன் கொடுத்தால் அதன் சிறு பகுதி வருமான வரியாக செலுத்தப்பட வேண்டும்.
புல்லுக்கும் பொசிவது என்பதற்கு ஒரு உதாரணம்.









யாதும் ஊரே யாவரும் கேளிர் : கணியன் பூங்குன்றனார்

கூட்டஞ்சோறு பதிவில் ஒரு பின்னூட்டம்

ராஜனின் உமா சங்கர் பற்றிய கட்டுரையின் தொடர்ச்சி
http://koottanchoru.wordpress.com/2010/11/28/2-%e0%ae%95%e0%ae%b2%e0%ae%bf%e0%ae%83%e0%ae%aa%e0%af%8b%e0%ae%b0%e0%af%8d%e0%ae%a9%e0%ae%bf%e0%ae%af%e0%ae%be%e0%ae%b5%e0%ae%bf%e0%ae%b2%e0%af%8d-%e0%ae%89%e0%ae%ae%e0%ae%be-%e0%ae%b7%e0%ae%99/#comment-3807
//தமிழக அரசின் ரெவின்யூ டிப்பார்ட்மெண்டில் நிலவும் லஞ்சத்தின் நிலமை அதற்கான காரணங்கள் ஆகியவற்றை ஒளிவு மறைவின்றிப் பேசினார்.//
// ஒரு அரசு அதிகாரியே அரசாங்கத்தில் நடக்கும் ஊழல்களை லஞ்ச லாவண்யங்களை எந்த விதத் தயக்கமும் இல்லாமல் வெளிப்படுத்தியதுஆச்சரியமே. கலெக்டர் ஆஃபீசின் ஒவ்வொரு நிலையிலும் லஞ்சம் கொடுக்காமல் எதையுமே சாதிக்க முடியாது என்பதை விளக்கினார்//
என்று சொல்லிவிட்டு
//இந்த ஊழல்களையும், மிரட்டல்களையும், அராஜகங்களையும் நிறுத்த வேண்டுமானால் இந்தியா ஊழலில்லாத தேசமாக மாற வேண்டும் என்றால் அரசியல்வாதிகளின் தலையீடு இல்லாத தன்னாட்சி அமைப்புகள் உருவாக்குவதே ஒரே வழி என்றார்//
இவ்வாறு சொல்வது ஏன் என்று புரியவில்லை.
அதாவது மாவட்ட ஆட்சியர் அலுவலகத்தில் லஞ்சம் வாங்குவதும், வாங்க சொல்வதும் அரசியல்வாதியா? லஞ்சம் அதிகமாக காரணம் அரசு அதிகாரிகள் தான் என்று உமா சங்கர் போன்ற சுத்தமான அதிகாரிகள் கூட ஒப்புக் கொள்ளாவிட்டால் அதை எப்படி களைவது?
சரி, ஒரு விஷயம். ஒரு அரசு அதிகாரி, அமெரிக்காவில் போய் இங்கு உள்ள சீரழிவுகளை பேசுவது முறையா?





யாதும் ஊரே யாவரும் கேளிர் : கணியன் பூங்குன்றனார்

பின்னூட்டம்:

http://tamilseermai.blogspot.com/2010/11/blog-post_07.html
வட மொழி ஒலிகளைக் குறிக்க தமிழில் புகுத்தப்பட்ட ஜ, , ஷ, ஸ, ஹ, க்ஷ, குறித்து பதிவு இட்டுள்ளீர்கள்.நாம் அறிந்த வரையில் உலகில் அதிகமாக ஒலிக்கும் மொழிகளில் வேற்று மொழி ஒலிகளைக் குறிக்க புதிதாக எழுத்துக்கள் சேர்க்க வில்லையே; தமிழில் என் சேர்க்க வேண்டும் என்பதே சாரம். உண்மை தான். தமிழில் சாதாரணமாக நாம் புழங்கும் ஒலிகளை தமிழில் எழுதிக் காட்ட முயல வேண்டும். உலகம் எங்கும் அதிகமாகப் பேசப்படும், அறியப்படும் ஆங்கிலத்தில் spelling வேறாகவும், pronunciation வேறாகவும் காட்டப் படுவது நாம் அறிவோம். அதாவது வேற்று மொழிச் சொற்களை புழங்க விட்டால், அவற்றை சரியான ஒலியுடன் உள்வாங்குவது நலம் பயக்கும் என்பது அதன் அடிப்படை. தமிழர்களைப் பொறுத்தவரை எழுதுவதே ஒலி என்ற இந்திய அணுகுமுறையில் வேறு மொழிகளில் இருந்து வந்து விட்ட- , வந்து கொண்டு இருக்கும் - சொற்களை ஒலிக்குறியீடு இட்டு (ஆங்கிலத்தில் உள்ளது போல்) காட்டும் முறை உருவாக்க வேண்டும். இரண்டு முக்கிய காரணங்களால் வேற்று மொழி சொற்கள் தமிழில் வருவதை தடுத்தல் கடினம்.
ஒன்று: உலகமயமாக்கல்; வேறு மொழி வினைச்சொற்களை தமிழ் படுத்த முடிந்தாலும், பெயர்கள், நாடுகள், அவற்றில் தலைவர்கள், அறிவியல் அறிஞர்கள் விளையாட்டு வீரர்கள் போன்றோரின் பெயரை தமிழர் சரியாக உச்சரித்தல் அவசியம். அதற்காக உலகில் உள்ள அனைத்து நாடுகளின், மொழிகளின் ஒலிக்குறியீடுகளை இறக்குமதி செய்யச் சொல்லவில்லை; ஜ, ஸ, ஷ,ஹ, முதலிய ஒலிகள் அதிகம் தேவைப் படுவது நாம் அறிந்ததே
. இன்னொன்று: தமிழகம் நாம் விரும்பியோ, விரும்பாமாலோ, இந்தியாவின் பகுதி ஆகிவிட்டது; அந்த இந்தியாவில் வட மொழிகளிலிருந்து பிறந்த மொழிகள், அவற்றை பேசுபவர் அதிகம். ஆகவே, அவற்றிலிருந்து இங்கு வந்து கழுத்தை அறுக்கும் சொற்கள் (விஷயம், பாவம்(bhaavam), முதலியன ) தவிரவும், மனிதர்கள், இடங்களின் பெயர்கள். தமிழகத்திற்கு வெளியே பணி நிமித்தம் வருபவர்கள் தங்கள் உச்சரிப்பினால் எவ்வளவு கேலிக்கு உள்ளாகிறார்கள் என அவர்களே சொல்ல முடியும். தமிழகத்திலேயே உள்ள கிணற்றுத் தவளைகள் இதை புரிந்து கொள்ளவே முடியாது.
சொல்ல விழைவது : தமிழர்கள் உச்சரிப்பில் கவனம் செலுத்தி, உச்சரிப்புக் குறியீடு உருவாக்கினால் இது போல வட மொழி ஒலிகளுக்காகஅந்நிய எழுத்துக்கள் வேண்டாம்.
நெற்குப்பை.தும்பி





யாதும் ஊரே யாவரும் கேளிர் : கணியன் பூங்குன்றனார்

***********வாழ்த்து***********

அனைவருக்கும் தீபாவளி வாழ்த்துக்கள்

மா.சேகர்
nerkuppai.thumbi@gmail.com





யாதும் ஊரே யாவரும் கேளிர் : கணியன் பூங்குன்றனார்